Tơbleăng a rôh Hôp, pôa Lương Cường, Kăn xiâm hnê ngăn tơnêi têa khê̆n kơdeăn tơdroăng hbrâ pêi mâu tơdroăng kal ăm tơdroăng séa ngăn, mơhno hnoăng cheăng ki kơhnâ pêi dêi khu Kăn pơkuâ hnê ngăn Đảng kong pơlê Hưng Yên.

Kăn xiâm hnê ngăn tơnêi têa pơkâ thế Khu kăn pơkuâ hnê ngăn Đảng kong pơlê Hưng Yên thâ tơmâng pê klêi hlá mơ-éa chêh vâ tơbleăng mâu tơdroăng kal hnê, chêh tŭm tâi tâng, chêh tro mâu tơdroăng ki ai khât, kơxô̆; mơ-eăm tơrŭm ƀă Khu kăn séa ngăn lăm séa ngăn, mơnhên, malối mâu tơdroăng chêh tơbleăng thế chêh nhên khât, tối tro tơdroăng ki hlo ai tơbleăng tơkŭm pêi mâu tơdroăng kal séa ngăn, mơhno nhên mâu tơdroăng ki lâi hiăng pêi tơƀrê, túa pêi, tơdroăng ki hriăn plĕng; mâu tơdroăng ki pá ƀă tối ‘na troăng hơlâ tơkâ luâ xơpá tung la ngiâ.