Tung kơthô ai chêh: ‘’Têt Trung thu ing to lâi rơxông kố hiăng chiâng ki lĕm păng lôi tung tơdroăng rêh ối khôi túa lĕm dêi mơngế Việt Nam. Kố cho roh vâ mâu vâi hdrêng phiu ro xah hêi, tơkŭm dêi pó, ối ƀă rơpŏng ƀă pú hmâ. Đảng, Tơnêi têa ƀă lâp pơlê pơla đi đo ‘măn tơdroăng ki tơmâng tŏng gum ki má môi ăm mâu vâi hdrêng, đi đo tŏng gum lĕm tro má môi vâ mâu vâi hdrêng châ hriâm tâp, pơtâp, xah hêi tơniăn ƀă mơnhông tâi tâng.

Pôa pói vâ mâu muăn đi đo rak hiêm mơno kơhnâ hriâm, đi đo nguô̆n, tơrŭm môi tuăn, pâ dêi pó ƀă tối ăm dêi pó tơdroăng, kum dêi pó rơtế rơkê, rơtế dêi pó xông kân, vâ veăng kum mơ’no ivá mơjiâng tơnêi têa Việt Nam nhuô̆m pâ dêi pin rế hía rế kro mơdrŏng lĕm, rơkê. Klăng roh Têt Trung thu hơnăm 2025, Pôa pơtroh troh tâi tâng mâu muăn tơdroăng ki loi tơngah, pói vâ. Rơkâu mâu vâi hdrêng tơdah môi rơnó Trung thu ai kơnâ păng ‘nâng, tơniăn, hơtô ƀă rơpŏng, thái cô ƀă pú hmâ. Pôa pói mâu muăn ôh tá châ mơhúa, mâu muăn a kơpong têa kân lân lu kô mơ-eăm, ôh tá ton tơrôu hdrối mâu tơdroăng pá puât; mâu vâi hdrêng thế rak rơkong tó lĕm, hiêm mơno lĕm, pro eăng tơdroăng pói vâ thăm lĕm păng ‘nâng, vâ klêi kơ’nâi kong mêi khía mơhot tơdroăng rêh ối pêng păm ki eăng ƀă tơdroăng phiu ro’’.