Lăm pôu rơkâu Têt kơ pôa Nguyễn Minh Triết, pôa Trương Tấn Sang, Kăn xiâm hnê ngăn tơnêi têa hneăng hdrối a hngêi krê prế pôa, pôa Lương Cường, Kăn xiâm hnê ngăn tơnêi têa tơpui kơ-êng  rơkâu ivá, kơ-êng tơdroăng rêh ối prếi pôa. Kăn xiâm hnê ngăn tơnêi têa tối nhoăm mơnê khât kơ hnoăng mâu ngế ki hiăng ‘no pleăng hnoăng tơná, veăng ‘no hnoăng kân dêi prế pôa Nguyễn Minh Triết ƀă pôa Trương Tấn Sang, Kăn xiâm hnê ngăn tơnêi têa hneăng hdrối hiăng veăng ‘no hnoăng pêi cheăng ăm kăch măng dêi Đảng, dêi hdroâng mơngế.

Hlối púi vâ pơtối xo mâu tơdroăng veăng hnê tối tá hiâm mơno, hnê túa pêi cheăng ki kơnía dêi mâu vâi pú hiăng pêi pro tung mơjiâng ƀă mơnhông tơnêi têa tung rơxông nếo. Tung chôu phut phiu ro tơtô, tơdrăng lĕm, Kăn xiâm hnê ngăn tơnêi têa kơ-êng tơdroăng rêh ối, hriâm tâp, pêi cheăng dêi on veăng kuăn ‘nĕng, tung rơpŏng hngêi pôa Lê Duẩn, pôa Nguyễn Văn Linh, Kăn xiâm pơkuâ hnê ngăn Đảng hneăng hdrối nah ki hiăng hlâ, pôa Võ Chí Công, Kăn xiâm pơkuâ hnê ngăn Hô̆i đong Tơnêi têa hneăng hdrối nah ki hiăng hlâ, pôa Lê Đức Anh, Kăn xiâm hnê ngăn tơnêi têa hneăng hdrối nah; rơkâu on veăng dêi mâu kăn đi đo mo lĕm châ, hơniâp ro, pêi cheăng tơƀrê, pơtối rak vế pêi pro hnoăng cheăng ki lĕm dêi on veăng rơpŏng hngêi ƀă mâu hnoăng hiăng pêi châ tơƀrê, ôh tá la lâi pơtê mơ-eăm hriâm, pêi cheăng pleăng hnoăng tơná hên ăm Tơnêi têa, ăm kuăn pơlê.