Pôa Lương Cường, Kăn xiâm hnê ngăn tơnêi têa mơnê ‘măn chôu reăng a um meăn, tối hiâm mơno mơnê ó khât dêi Đảng, Tơnêi têa ƀă kuăn pơlê Việt Nam kơ pôa hiăng pơkâ ăm tơrŭm cheăng tơniăn lĕm pơla Lếo – Việt Nam. Khu kố xuân mơdoh iâ chôu tơbâ troh, lăm pôu ngăn tíu ‘măn rak tơmeăm khoăng pôa Kaysone Phomvihane.

Chêh tung hlá mơ-éa chôu vế, pôa Lương Cường, Kăn xiâm hnê ngăn Tơnêi têa tối phoih ƀriê tung hiâm mơno ƀă hâk tơngăm drêng pôu ngăn tíu ki ‘măn rak mâu kế tơmeăm tơbâ dêi môi ngế pú hmâ ki kân, hmâ achê khât ƀă kuăn pơlê Việt Nam – ngế ki hiăng veăng gum mơjiâng tơrŭm tơroâ, tơrŭm pơla péa hdroâng mơngế.