Pôa Lương Cường, Kăn xiâm hnê ngăn tơnêi têa tơdah Ngế mơjiâng grup pơkuâ MEBO International
Thứ sáu, 05:00, 31/10/2025
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - Kơxo lơ 30/10 a pơlê kong kân Gyeongju, tung roh pêi cheăng veăng Măng tĭng leh khu râ kăn xiâm Hôp tơpui tơno Tơrŭm cheăng kâ châu Á – Thái Bình Dương (APEC) roh má 32 ƀă pêi cheăng pơla péa pâ a Hàn Quốc, pôa Lương Cường, Kăn xiâm hnê ngăn tơnêi têa hiăng tơdah jâ Lý Lợi, ngế mơjiâng Grup pơkuâ MEBO International dêi Sinuâ.
A roh tơdah, pôa Lương Cường, Kăn xiâm hnê ngăn tơnêi têa mơnhên Việt Nam đi đo pro tơ’lêi hlâu ăm mâu khu tê mơdró kong têa ê, tung mê ai Grup pơkuâ cheăng MEBO, ing tơdroăng pêi tiô tro mâu pơkâ ƀă luât Việt Nam, hmiân tuăn mơ’no liăn cheăng tê mơdró châ tơƀrê, krá tơniăn ƀă ton xŏn a Việt Nam.
Ing tơrŭm nhŏng o tiô khôi vâi krâ nah lĕm tro pơla Việt Nam ƀă Sinuâ, tung mê, ai kơvâ khăm pơlât, pơkeăng, Kăn xiâm hnê ngăn tơnêi têa pói vâ mâu tơdroăng mơ’no liăn cheăng, tơrŭm ƀă Việt Nam dêi Grup pơkuâ MEBO kô kum tung tơdroăng pro krá tâ mê nếo tơrŭm cheăng pơla péa tơnêi têa nhŏng o.
Viết bình luận