A rôh tơdah, Péa ngế kăn xiâm pơkuâ tối nhên, mâu rôh hôp tơpui tơno, trâm mâ mâu kăn po đi đo a rêm râ, malối cho khu râ kăn xiâm mơhno tơdroăng ki loi tơngah kal kí pơla péa tơnêi têa, cho tơdroăng ki vâ mơdêk tơrŭm tung mâu kơvâ cheăng ki ê; tối tiah kố péa pâ kal pơtối mơ-eăm vâ rak vế ƀă mơdêk rơdêi ivá mơnhông rĕng dêi kơchơ tê mơdró pơla péa pâ, tơdrêng amê hlối xúa tâi mâu tơdroăng ki ai hlâu, ki rơdêi ƀă ki rơkê plĕng tơrŭm cheăng pơla péa tơnêi têa tung 75 hơnăm hdrối vâ ăm tơrŭm cheăng tung mâu kơvâ cheăng ki ê mot trâu hngế, ai pơxúa, tơƀrê, péa pâ rơtế châ pơxúa.

Péa ngế kăn xiâm pơkuâ môi tuăn tung la ngiâ ah kô pơtối mơdêk tơrŭm cheăng túa lĕm tro, trâm mâ pơla kuăn pơlê, malối cho pơla mâu rơxông ối nếo dêi péa tơnêi têa vâ mơdêk hlê plĕng dêi rơpó.