Tơpui a Rôh hôp, pôa Tô Lâm, Kăn xiâm pơkuâ hnê ngăn cheăng Đảng tối nhên, tung pơla lâp plâi tơnêi pơhlêh ƀă kăch măng kơmăi kơmok rôh má pŭn, kong ngê̆ kơxô̆ hiăng ƀă dế mơhno rơdêi hnoăng cheăng ivá ki xiâm, mơdêk tơdroăng mơnhông cheăng kâ ƀă rêh ối. Pơhlêh kơxô̆ ôh ti xê cho môi troăng prôk ki kal, mê ối cho tơdroăng pơkâ thế ki kal vâ Việt Nam pro kơdroh kơtăn mơnhông ƀă kơpong ƀă tung lâp plâi tơnêi.

Tơdrêng amê, pơhlêh kơxô̆ ối pro pơxúa tung la ngiâ ton xŏn, gum mơdêk ivá tơbriât tơnêi têa ƀă ‘mâi mơnhông tíu ối dêi Việt Nam a lơgât cheăng kâ lâp plâi tơnêi. Laga, vâ pêi châ tơdroăng pơkâ kố, kal ai tơdroăng tơhrâ rơdêi ing Chin phuh, tơdroăng ki rơtế prôk dêi khu mơdró kâ, tơdroăng veăng kơhnâ ing mâu ngế pêi cheăng ƀă tâi tâng kuăn pơlê.

Kăn xiâm pơkuâ hnê ngăn cheăng Đảng pơkâ thế, mơdêk ivá ƀă tíu ối tơbriât tung lâp plâi, mơ-eăm troh hơnăm 2030, ăm Việt Nam châ mot tung top 3 kong têa ối ahdrối Đông Nam Á ‘na hriăn ngăn ƀă mơjiâng kong ngê̆ kơxô̆, pro chiâng iâ hlái 5 khu mơdró kâ kong ngê̆ kơxô̆ kân ai ivá tơbriât tung lâp plâi tơnêi.

Pôa Tô Lâm, Kăn xiâm pơkuâ hnê ngăn cheăng Đảng tơpui hnê mơhno