Pêi pro tơdroăng “Ngế nôu veăng gum” xua Tíu xiâm ngăn Khu vâi kơdrâi Việt Nam mơhnhôk, troh nôkố a Dak Lak hiăng ai 870 ngế hdrêng kuăn tê châ xo ngế nôu veăng gum ƀă lối 2.000 ngế hdrêng châ gum tơmeăm, hơlêm tuăn ngôa ƀă tâi tâng kơxô̆ liăn vâ chê 10 rơtal liăn.

A tơdroăng mê, mâu vâi o châ trâm xah hêi, tơdjêp ƀă mâu ngế nôu veăng gum, tơpui ‘na tơdroăng tơná tơmiât ƀă mơhno tuăn pâ ƀă mơngế ki dế rak ngăn, gum tơná. Rôh kố, Khu tơkŭm po hiăng diâp 66 kơxu tơmeăm ăm mâu hok tro ki hriâm rơkê; Tơdjêp ƀă mâu khu tơrŭm cheăng, mâu ngế, khu ai tuăn hơ-ui, veăng kum tơmeăm ƀă hơ’lêh tuăn ngôa, gum vâi o mơ-eăm tơkâ luâ xơpá, mơ-eăm tung hriâm tâp ƀă tung rêh ối.