Rôh pêi dêi hnoăng cheăng kố ai pơxúa khât, pơtối tối nhên troăng hơlâ tơpui kâ tơniăn krê, hbrâ rơnáu xêh, hên túa kơvâ, trâu hngế tŭm têk ƀă tơƀrê dêi Việt Nam, veăng gum pro trâu hngế tơrŭm dêi tơnêi têa pin ƀă mâu kong têa tơrŭm cheăng ki kal, mơdêk tâ nếo tíu cheăng, hnoăng cheăng bă ivá veăng gum dêi Việt Nam, pơtroh tơdroăng ‘na khŏm mơ-eăm, rơhêng vâ mơnhông dêi hdroâng mơngế, tơ’mot hên mâu kơxô̆ liăn kong têa ê cheăng tung mâu kơvâ cheăng ki xiâm cho mơnhông tơnêi têa.

Rôh lăm pôu păng ‘nâng troh Ba Lan, Czech ƀă pêi cheăng a Swiss cho rôh ki tơ’lêi kal vâ Việt Nam mơdêk tơrŭm cheăng trâu hngế ƀă mâu kong têa xuân môi tiah kơpong Trung Đông Âu ƀă EU, mơdêk hnoăng cheăng kông tơdjêp pơla Ba Lan, Czech ƀă ASEAN, thăm tơrŭm tŏng gum mâu tơdroăng tung kơpong ƀă tung lâp plâi tơnêi, veăng gum ăm hơniâp lĕm, tơniăn, tơrŭm cheăng ƀă mơnhông krá tơniăn a rêm kơpong ƀă tung lâp plâi tơnêi.