A rôh tơdah, kăn xiâm hnê ngăn tơnêi têa tối, Việt Nam đi đo nhoăm ‘mâi mơnhông tơrŭm cheăng ƀă Thổ Nhĩ Kỳ xua vâ pro pơxúa dêi kuăn pơlê péa tơnêi têa ƀă tung lâp plâi tơnêi. Pôa Lương Cường - Kăn xâm hnê ngăn tơnêi têa tối nhên tơrŭm cheăng péa pâ tung mâu hơnăm hdrối mơnhông tơƀrê tơniăn lĕm ƀă Việt Nam púi vâ tơrŭm cheăng mơdêk tâ nếo.

Vâ tơdroăng tơrŭm cheăng lêng Việt Nam - Thổ Nhĩ Kỳ pêi cheăng tơƀrê tâ, Kăn xiâm hnê ngăn tơnêi têa pơkâ thế tung la ngiâ Khu xiâm pơkuâ ngăn lêng  péa tơnêi têa pơtối mơdêk, trâu rơdâ tâ nếo tơrŭm cheăng  tiô tơhrâ tơrŭm cheăng lêng hiăng kĭ,  xuân môi tiah mâu tơdroăng kal hiăng châ tơpui, môi tuăn a rôh hôp tơpui tơno pơla péa ngế xiâm pơkuâ  ngăn lêng.