A rôh trâm mâ, Kăn xiâm hnê ngăn tơnêi têa tối rơdêi mâu ƀok thái pơkeăng cho cho mâu ngế ki têm rơpiât, ôh ti xê to ai plâi nôih hơ-ui pâ, tuăn mơno têm rơpiât mê ối ai ivá khên tơnôu, chiu pôu râng mâu tơdroăng ki pá puât, pêi klêi rơkê má môi tơdroăng cheăng, veăng gum kal khât tung tơdroăng cheăng plâ mơdât tơleăng lĕm hdroâng mơngế, môi tuăn tơnêi têa hdrối nah, xuân môi tiah tung tơdroăng mơjiâng ƀă rak vế krá rơdêi Tơnêi têa Việt Nam pâ nhuô̆m dêi pin hâi kố.

Tung chal nếo – chal mơ-eăm dêi tơná, mơnhông kro mơdrŏng ƀă dêi hdroâng mơngế, Kăn xiâm hnê ngăn tơnêi têa pơkâ thế rêm râ, mâu kơvâ cheăng, malối cho kơvâ cheăng khăm pơlât kal pơtối tơkŭm mơnhông mâu tíu khăm pơlât tâi tâng kuăn pơlê; Rak vế rêm ngế kuăn pơlê, maluâ a pơlê kong kân, thôn pơlê, lơ kơpong hngế hngo, tíu tơkăng kong, chuăn rơlố pơrá châ xúa mâu tơdroăng khăm pơlât tơniăn tro má môi.

Tiô kăn xiâm hnê ngăn tơnêi têa, Khăm pơlât kal châ ‘mâi mơnhông ‘no liăn roê mâu kế tơmeăm xúa ki rơkê plĕng ƀă mơdêk ki rơkê plĕng dêi mâu ngế cheăng vâ chiâng tíu xiâm tung rak ngăn ivá châ chăn tâi tâng kuăn pơlê a kong pơlê.