Pôa Lương Cường, Kăn xiâm hnê ngăn tơnêi têa trâm mâ tơpui tơno ƀă Kăn xiâm Kuô̆i hô̆i Sinuâ pôa Triệu Lạc Tế
Thứ sáu, 10:39, 05/09/2025
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng – Kơxê lơ 4/9, a Bắc Kinh, Sinuâ, klăng roh veăng Leh tơbâ 80 hơnăm ƀlêi trâng phát-xít dêi kuăn pơlê lâp plâi tơnêi ƀă pêi cheăng a Sinuâ, pôa Lương Cường, Kăn xiâm hnê ngăn tơnêi têa hiăng trâm mâ tơpui tơni ƀă pôa Triệu Lạc Tế, Kăn cheăng tung Khu xiâm kal kí, Kăn xiâm hnê ngăn Kuô̆k hô̆i kong têa Sinuâ.
A roh trâm mâ, pôa Lương Cường, Kăn xiâm hnê ngăn tơnêi têa tối rơdêi troăng hơlâ môi tuăn sap apoăng troh tá tui lui dêi Đảng ƀă Tơnêi têa Việt Nam đi đo kơjo má môi mơnhông tơrŭm Việt Nam - Sinuâ; pơkâ thế péa Đảng, péa tơnêi têa thăm tơrŭm môi tuăn, tơrŭm cheăng.
Môi tuăn hên mâu rơkong tơpui dêi pôa Lương Cường, Kăn xiâm hnê ngăn tơnêi têa, pôa Triệu Lạc Tế, Kăn pơkuâ tối rơdêi péa Đảng, péa tơnêi têa mơnhông tơrŭm cheăng, thăm tơrŭm hên tâ mê nếo, tơdjuôm ivá mơjiâng pơlê pơla kum dêi pó tung la ngiâ ai kơnâ troăng pêi cheăng ton xŏn tơtro ƀă pơxúa dêi péa tơnêi têa, kum hên tung hơniâp lĕm, tơrŭm, mơnhông dêi kơpong ƀă lâp plâi tơnêi.
Viết bình luận