A rôh trâm, péa ngế kăn xiâm pơkuâ mơnhen tối khât mâu tơdroăng ki hiăng pêi tơƀrê dêi tơrŭm cheăng tơnêi têa tơrŭm tung la ngiâ Việt Nam – Mih tung pơla hdrối nah. Péa pâ môi tuăn pơtối tơrŭm krá tơniăn vâ ăm tơrŭm cheăng péa tơnêi têa rế hía rế mơnhông ‘na ki trâu, ai pơxúa, tơƀrê ƀă krá ton, tơtro ƀă ki pơxúa dêi kuăn pơlê péa tơnêi têa, veăng gum ăm tơdroăng hơniâp lĕm, tơrŭm ƀă mơnhông krá tơniăn a kơpong ƀă tung lâp plâi tơnêi.

Peăng dêi tơná, Kăn xiâm pơkuâ kong têa Mih tối rơdêi ngăn nhuô̆m tơrŭm cheăng la ngiâ tŭm têk ƀă Việt Nam; mơnhên tối hnoăng cheăng, tíu ối rế hía rế tâk rơdêi dêi Việt Nam xuân môi tiah mâu ivá mơ-eăm dêi Việt Nam ‘na pơhlêh túa cheăng, lôu péa, mot tơrŭm, pơhlêh nếo cheăng kâ rơdêi.

Kăn xiâm pơkuâ kong têa Mih tối rơdêi, môi tuăn ƀă hnoăng cheăng tíu xiâm dêi ASEAN; mơnhên tối khât tơdroăng veăng gum dêi Việt Nam ăm mâu tơdroăng tung kơpong ƀă lâp plâi tơnêi.