Tơpui hnê mơhno a Hneăng hôp, pôa Lương Cường, Kăn xiâm hnê ngăn tơnêi têa pơkâ thế kong pơlê Phú Thọ rak vế tơdroăng tơrŭm, môi tuăn khât ‘na ki hlê plĕng ƀă pêi pro. Pơtối tơkŭm pơkuâ, hnê mơhno tơrŭm mơjiâng, ‘mâi rơnêu Đảng ƀă khu pơkuâ tơdroăng kal kí athế krúa lĕm, krá rơdêi ‘na cheăng kal kí, hiâm mơno tơmiât, tơrŭm, túa rêh ối ƀă kăn ƀô̆.

Kăn xiâm hnê ngăn tơnêi têa loi tiah kố, Đảng ƀô̆, kăn pơkuâ, kuăn pơlê mâu hdroâng kuăn ngo ƀă khu lêng kring vế kong pơlê Phú Thọ kô pơtối mơnhông khôi hmâ pâ nhuô̆m tơnêi têa, hiâm mơno tơrŭm, hiâm mơno mơ-eăm, rơhêng vâ mơ-eăm, khŏm mơ-eăm pêi pro ƀlêi chiâng mâu tơdroăng pơkâ dêi Hneăng hôp khu kăn Đảng ƀô̆ kong pơlê rôh má I, mơjiâng kong pơlê Phú Thọ rế hía rế kro lĕm, rơkê, hơniâp, tơxâng cho Tơnêi xiâm pơtáu Hùng Vương, xiâm rêi dêi hdroâng mơngế Việt Nam, veăng gum ƀă tâi tâng Đảng, tâi tâng kuăn pơlê, tâi tâng khu lêng pêi pro ƀlêi trâng 2 tơdroăng pơkâ tung la ngiâ 100 hơnăm.