Xông tơpui a hâi xah hêi ro, pôa Lương Cường, Kăn xiâm hnê ngăn tơnêi têa tối inhên ivá ó rơdêi dêi tơdroăng tơrŭm môi tuăn, mơ-eăm xêh, rơdêi xêh ki tâi tâng kuăn pơlê, tâi tâng khu lêng pin ing pơkuâ hnê mơhno dêi Đảng, hiăng tơkâ hluâ hên pá puât, pơloăng mơnúa, ƀlêi trâng rêm mâu ngế lêng kong têa ê mot plâ, môi tuăn tơnêi têa – pro tơnêi têa tơmot chiâng môi, ƀă châ mâu tơdroăng châ tơƀrê kân, ai kơnâ tung roh ton nah tung 40 hơnăm pơhlêh nếo, vâ tơnêi têa pin ai tơmeăm kro mơdrŏng môi tiah hâi kố, tơmeăm mơnhông tơtêk, tíu pêi cheăng ƀă ki loi tơngah lâp plâi tơnêi môi tiah hâi kố.

Ƀă khôi túa lĕm tro, mơ-eăm rơdêi, tuăn pâ, hiâm mơno tơrŭm môi tuăn châ tơbêng, rak ngăn, rak tơbleăng troh ăm hên rơxông dêi kuăn pơlê Bảo An ƀă 16 thôn dêi cheăm Gò Nổi, rơtế ƀă tơdroăng ki khŏm mơ-eăm dêi khu râ kăn pơkuâ hnê ngăn cheăng Đảng, khu râ kăn pơkuâ, măt trâ̆n mâu râ, Kăn xiâm hnê ngăn tơnêi têa loi tơngah mâu thôn cheăm Gò Nổi kô pơtối mơnhông ó rơdêi, chiâng tíu ki eăng tung mơjiâng thôn pơlê nếo tiô túa, thôn kơtâu rơkê, tơniăn, hơniâp lĕm.