Xông tơui a roh hôp, pôa Lương Cường, Kăn xiâm hnê ngăn tơnêi têa tối ăm ‘nâi Đảng, Tơnêi têa, mâu khu râ kăn pơkuâ hnê ngăn cheăng Đảng, khu râ kăn pơkuâ đi đo tơmâng, nhuô̆m ƀă tơmâng xo rơkong ing tíu pêi cheăng, ing mâu chi ƀô̆ môi tiah Chi ƀô̆ thôn Quảng Chính 6. Mâu rơkong pâ thế, pơkâ ing mâu tíu cheăng kô châ tơkŭm tâi tâng, hriăn plĕng vâ kum ăm tơdroăng nôkố.

Kăn Kăn xiâm hnê ngăn tơnêi têa pơkâ thế kong pơlê Quảng Ninh pơtối thăm pơkuâ, hnê mơhno, tơmâng, mơdêk ivá pơkuâ ƀă ivá tơplâ dêi khu Đảng a mâu kơ koan, pêi pro lĕm tro hnoăng pơkuâ, mơnhên troăng prôk la ngiâ troăng tơmiêt ăm mâu đảng viên, tơdrêng amê pơkuâ, mơhnhôk, djâ troăng ahdrối ƀă kuăn pơlê, ki má lối cho tíu tơdrêng achê kuăn pơlê, mâu tíu ối hên pá puât tung tíu tơkăng kong, kơpong hơngế hơngo, mơnhông ó rơdêi, tơdâng tơ’mô, châ tơƀrê hnoăng pơkuâ dêi Đảng a pơlê, tíu pêi cheăng.