Tơdroăng Kăn xiâm hnê ngăn tơnêi têa Việt Nam veăng Leh tơbâ 80 hơnăm ƀlêi trâng phát xít dêi kuăn pơlê lâp plâi tơnêi a kong têa Sinuâ pakĭng tơdroăng mơhno tơdroăng ki nhuô̆m má môi dêi Việt Nam ƀă tơrŭm cheăng tơnêi têa achê nhŏng o tiô khôi vâi krâ nah, Khu tơrŭm cheăng ton xŏn tâi tâng ƀă kong têa Sinuâ, ối cho tơdroăng mơnhên môi tuăn sap apoăng troh tá tui lui dêi Việt Nam tung khŏm mơ-eăm gâk kring tơdroăng ki kơnâ hơniâp lĕm dêi kuăn mơngế, mơdêk tơrŭm cheăng rơtế châ pơxúa ƀă mâu kong têa, xua tơdroăng mơnhông mơdêk ƀă kro mơdrŏng tơdjuôm dêi mâu kong têa ƀă kuăn pơlê lâp plâi tơnêi têa.

Pakĭng veăng Leh tơbâ 80 hơnăm ƀlêi trâng phát xít dêi kuăn pơlê lâp plâi tơnêi, tiô tối hdrối, pôa Lương Cường, Kăn xiâm hnê ngăn tơnêi têa kô ai mâu roh tơpui tơno, trâm mâ ƀă kăn pơkuâ ki xiâm kong têa Sinuâ.