Xông tơpui a roh leh, pôa Lương Cường, Kăn xiâm hnê ngăn tơnêi têa hlê plĕng pêi pro trâu hơngế troăng tơmiât pêi cheăng lêng Hồ Chí Minh; mâu troăng pơkâ pêi, troăng prôk, Tơdroăng pơkâ dêi Đảng, ki má lối cho troăng cheăng lêng, gâk kring tơnêi têa, tơpui kâ ƀă kong têa ê ƀă Troăng pêi cheăng ton xŏn gâk kring Tơnêi têa tung rơxông nếo; mơjiâng khu lêng Kuân khu kăch măng ki rơkê, khên tơnôu păng ‘nâng, ƀeăn ƀĕng, tiô chal nếo.

Kăn xiâm hnê ngăn tơnêi têa loi tơngah tâi tâng mâu lêng, mâu kăn pơkuâ ngăn lêng, kăn ƀô̆, ngế pêi cheăng tung kơ koan, mâu lêng ƀă mâu ngế pêi cheăng khu lêng Kuân khu 3 kô rak krá ƀă mơnhông tiô khôi vâi krâ nah ƀlêi trâng kân ‘’Tơrŭm môi tuăn, hbrâ rơnáu, tơmiât pêi rơkê, pleăng dêi châ chăn, ƀlêi trâng’’, mơ-eăm kêi đeăng rơkê rêm hnoăng cheăng châ pơcháu, kum rơtế tâi tâng Đảng, tâi tâng kuăn pơlê, tâi tâng khu lêng gâk kring krá tơniăn Tơnêi têa Việt Nam Xah hô̆i chuh ngiah, djâ tơnêi têa loi tơngah kơteăng tung chal nếo – chal mơnhông mơdêk kro mơdrŏng rơdêi ƀă mơnhông tơtêk dêi hdroâng mơngế Việt Nam.

A Leh tơbâ, pôa Lương Cường, Kăn xiâm hnê ngăn tơnêi têa hiăng diâp Mê dái Gâk kring Tơnêi têa ối má Môi ăm Kuân khu 3, Khu xiâm pơkuâ lêng.