Xông tơpui pơxiâm po hơnăm hriâm nếo, pôa Lương Cường, Kăn xiâm hnê ngăn tơnêi têa mơnhên Hok viê̆n cho tíu eăng ‘na hriăn plĕng khoa hok, tơbleăng troăng pêi cheăng ton xŏn, mơnhông lĭ luâ̆n, mơdêk ivá pơkuâ, hnê mơhno ƀă pơkuâ gâk kring tơnêi têa, gâk kring tơniăn dêi Đảng, Tơnêi têa, veăng gum mơjiâng khu lêng, pro krá tơniăn gâk kring tơnêi têa, gâk kring Tơnêi têa ing rĕng, ing hơngế, rak tơniăn kal kí – rêh ối pơlê pơla, mơjiâng xiâm kối krá tơniăn ăm tơdroăng mơjiâng ƀă gâk kring Tơnêi têa.

Vâ pêi pro tro tơdroăng cheăng, hnoăng cheăng tung chal nếo dêi Hok viê̆n cheăng lêng, Kăn hnê ngăn tơnêi têa pơkâ thế Hok viê̆n kal pơtối hbrâ, kơtăng po rơdâ pêi pro châ tơƀrê mâu troăng hơlâ, troăng prôk dêi Đảng, troăng pêi pro, luât dêi Tơnêi têa ‘na gâk kring tơnêi têa, gâk kring tơniăn pơlê pơla, ‘na pơkâ hnoăng cheăng mơjiâng khu kăn ƀô̆ râ xiâm dêi Đảng, Tơnêi têa, khu lêng; tơdrêng amê, hbrâ hlê plĕng pêi pro tơdrêng Tơdroăng pơkâ Hneăng hôp Đảng ƀô̆ Khu lêng roh má XII ƀă Tơdroăng pơkâ Hneăng hôp roh má XIV dêi Đảng tung tơdroăng pơtâp - hnê mơjiâng vâ châ tơƀrê ‘na tơdroăng xiâm, tơdroăng pêi pro, troăng hnê pơtâp - hnê mơjiâng, tơrŭm krá lĭ luâ̆n ƀă nôkố, tơtro ƀă troăng pêi cheăng ton xŏn gâk kring Tơnêi têa tung rơxông nếo.