Ƀă dó inâi ‘’Kông tơdjêp – Khu tê mơdró – Xông troh hơngế’’, Hneăng hôp hơnăm kố ai lối 20 roh tơpui tơno, tơkŭm a mâu tơdroăng dế châ pơlê pơla khu tê mdró tơmâng hên khât. Xông tơpui a Hneăng hôp, Kăn xiâm hnê ngăn tơnêi têa tối rơdêi, klêi kơ’nâi vâ chê 40 hơnăm tơkŭm po roh pơhlêh nếo, Việt Nam hiăng châ tơƀrê kal khât, ai ki kơnâ tơdroăng roh nah, mơjiâng tơdroăng ki krá tơniăn ăm mơnhông mơdêk dêi tơnêi têa vâ rơtế lâp plâi tơnêi mot a chal nếo.

Mê cho troăng pơkâ pêi, troăng hơlâ rế hía rế kêi đeăng tiô pơkâ lâp plâi tơnêi; môi tơdroăng cheăng kâ ki ƀeăn ƀĕng, mot tơrŭm trâu, môi tơdroăng kal kí – rêh ối pơlê pơla tơniăn; ƀă djâ troăng tơrŭm lâp plâi tơnêi troh lâp pơtăm kơpong. Mâu tơdroăng châ tơƀrê kố châ ai cho kơnôm a mâu troăng hơlâ ki tơtro, kơpeăng kŏng, tuăn ngôa ƀă hiâm mơno pêi cheăng ôh tá tơƀrêi dêi tâi tâng kuăn pơlê, tơdroăng môi tuăn ƀă tơrŭm tơxâng nhuô̆m dêi pú hmâ lâp plâi tơnêi.