A rôh pêi cheăng, kong pơlê pâ thế Tơnêi têa rĕng pơkâ tơdroăng ki nếo ăm kơpong Tây Nguyên ƀă kĭng têa kơxĭ Peăng hdroh tơnêi têa; kơjo gum liăn ăm tơdroăng pro troăng peăng mâ hâi Lo – hâi Lâ ƀă gum dâng 200 rơtal liăn ‘mâi rơnêu mâu kế tơmeăm ki tơ’nhiê xua khía mơhot pro.

Pôa Mai Văn Chính, Phŏ Ngế pro xiâm hnê ngăn Chin phuh mơnhên tối khât ivá mơ-eăm mơnhông. Phŏ Ngế pro xiâm hnê ngăn tơnêi têa pơkâ thế Dak Lak thăm mơdêk tơdroăng ki hbrâ rơnáu, mơdêk rĕng troăng hơlâ ‘no liăn, mơdêk tơƀrê xúa liăn ngân; séa ngăn tơdroăng pơkâ pêi hơnăm 2025, mơ-eăm pêi châ kơlo tâk dâng 8%, tơtrŏng mâu kế tơmeăm pro ki tơƀrê.

Tơdrêng amê, hlối tơmâng ngăn troh tơdroăng rêh kâ ối kuăn pơlê kơpong hngế hngo, kơpong kuăn pơlê hdroâng kuăn ngo; rak vế tơniăn gum pơlê pơla tro ƀă tơniăn cheăng lêng gâk kring.