Tối mơgêi rôh hôp, pôa Mai Văn Chính, Phŏ Ngế pro xiâm hnê ngăn tơnêi têa khĕn kơdeăn mâu khu xiâm, kơ koan tíu xiâm ai kơxô̆ liăn xing xoăng ƀă ăm liăn ‘no pêi cheăng pro tơmeăm khoăng tơnêi têa hơnăm 2025 a kơlo ki hên. Ƀă mâu khu xiâm, kơ koan xiâm hrá ăm liăn ngân xua ai mâu tơdroăng tơvâ tơvân ‘na tơdrơng chêl thiăn ‘mâi xĕn tơnêi tíu  hngêi trăng, tơmeăm khoăng, pôa Mai Văn Chính, Phŏ ngế pro xiâm hnê ngăn tơnêi têa pơkâ thế hriâm ing mâu tơdroăng ƀă hnê pêi tŭm tâi tâng , tơbleăng pêi tro tiô pơkâ dêi Ngế pro xiâm hnê ngăn tơnêi têa, mơdêk hnoăng pơkuâ hnê, nhên mơngế, nhên hnoăng cheăng, pêi cheăng tơƀrê, ai pơxúa.

Vâ tơbleăng pêi tơniăn kơxô̆ liăn ăm ‘no mơjiâng tơmeăm khoăng tơnêi têa hơnăm 2025 pêi luâ kơpêng 95% tơdroăng pơkâ dêi Ngế pro xiâm hnê ngăn tơnêi têa pơcháu, Phŏ ngế pro xiâm hnê ngăn tơnêi têa  pơkâ thế mâu kơ koan, Khu xiâm kơvâ cheăng mơdêk xing xoăng liăn ngân vâ pêi pro tung hơnăm 2025, tung mê pơkâ thế ki hrá gá a mơ’nui khế 3 thế pê klêi tơdroăng xing xoăng liăn ăm tiô pơkâ ‘no mơjiâng tơmeăm khoăng  tơnêi têa hơnăm 2025.