Phŏ Ngế pro xiâm hnê ngăn tơnêi têa pơkâ thế péa pâ pơtối mơdêk tâ nếo tơrŭm cheăng tơpui kâ pơla mâu kăn, malối cho mâu kăn xiâm, ing mê vâ tơrŭm cheăng péa pâ rế tâk tâ nếo. Pôa Hoyle khĕn kơdeăn péa tơnêi têa ối hên tơmeăm khoăng vâ po rơdâ tơrŭm cheăng tung mâu tơdroăng tê mơdró, ‘no liăn mơjiâng tơmeăm khoăng, khoa hok - kơmăi kơmok, hnê hriâm - hnê mơjiâng tuăn ngôa rơkê, khăm pơlât, pơkeăng, pro kế kâ, ôm hyô, trâm tơpui tơno ƀă kuăn pơlê...

Pakĭng mê tối, Kuô̆k hô̆i râ má péa Ănglê đi đo môi tuăn, vâ veăng gum Chin phuh péa tơnêi têa tung mơnhông, pro trâu rơdâ tâ nếo tơrŭm cheăng péa pâ. Kăn xiâm hnê ngăn Kuô̆k hô̆i râ má péa xuân pơkâ thế péa pâ tơrŭm tung mâu tơdroăng kring tơniăn, plâ mơdât khu ‘mêi, mâu ki ai xôi tung mê ai plâ mơdât mâu ngế mot rêh ối hmâ ngăn tung tơnêi têa. Rôh kố, Phŏ Ngế pro xiâm hnê ngăn tơnêi têa ƀă Kăn xiâm hnê ngăn Kuô̆k hô̆i râ má péa tơpui tơno hên mâu tơdroăng tung kơpong ƀă lâp plâi tơnêi rơtê tơmâng.