A rôh trâm mâ, pôa Nguyễn Hòa Bình, Phŏ Ngế pro xiâm hnê ngăn tơnêi têa tối nhên tơrŭm cheăng kal kí Việt Nam – Ănglê mơnhông tơniăn lĕm, mâu khu mơdró kâ Ănglê châ vâi loi nhuô̆m khât, hên khu mơdró kâ hiăng ƀlêi chiâng pêi cheăng kâ a Việt Nam ƀă tơngah rế hía rế ai tơ’nôm hên khu ki ‘no liăn cheăng Ănglê tơmâng troh ‘no liăn cheăng tung mâu kơvâ cheăng ki châ kơjo gum dêi Việt Nam.

Tung pơla lâp plâi tơnêi ôh tá tơniăn khât, Phŏ Ngế pro xiâm hnê ngăn tơnêi têa tối rơdêi Việt Nam dế mơnhông rơdêi pơhlêh troăng hơlâ, tơdroăng ki ‘no liăn cheăng, tơ’mot mâu khu ki ‘no liăn cheăng kân, malối cho tung mâu kơvâ cheăng ki nếo mơnhông môi tiah tuăn ngoâ kuăn mơngế pro AI, bán dẫn, on tơhrik vêh pro.

Mơgêi rôh; pêi cheăng, péa pâ môi tuăn pơtối tơrŭm ing kăn teăng mâ ƀă mâu tơdroăng pêi cheăng ki nhên, rơtế mơnhông tung mâu kơvâ cheăng ki xiâm ƀă ăm tơrŭm cheăng Việt Nam – Ănglê prôk trâu hngế, ai pơxúa ƀă tơƀrê.