Mâu kăn teăng mâ hiăng têk kŏng môi tuăn tơbleăng tơdroăng pơkâ ăm pơtê cheăng Kăn hnê ngăn Hô̆i đong kong pơlê hneăng hơnăm 2021 – 2026 ƀă pôa Nguyễn Khắc Toàn, Phŏ Kăn pơkuâ hnê mơhno má môi tơdroăng cheăng Đảng kong pơlê ƀă tâ phĭu rah xo pro Kăn hnê ngăn Vi ƀan kong pơlê Khánh Hòa, hneăng hơnăm 2021 – 2026.

Pôa Nguyễn Khắc Toàn, 55 hơnăm, pơlê xiâm a kong pơlê Khánh Hòa, hriâm klêi Kưh  nhân Luât Tư phăp, Kưh nhân Mơnhông cheăng Đảng ƀă Khu kăn hnê ngăn Tơnêi têa. Nah pôa pôu râng hên hnoăng pro kăn: Kăn pơkuâ Ƀơrô cheăng Đảng; Kăn pơkuâ hnê ngăn cheăng Đảng pơlê kong kơdrâm Cam Ranh; Kăn pơkuâ Khu tơrŭm cheăng Đảng kong pơlê; Phŏ Kăn pơkuâ hnê mơhno má môi cheăng Đảng kong pơlê sap ing khế 2/2020, kơ’nâi mê cho Phŏ Kăn pơkuâ hnê mơhno má môi cheăng Đảng, Kăn hnê ngăn Hô̆i đong kong pơlê Khánh Hòa.