VOV4.Xơ Đăng -  Kơxo lơ 22/3, pôa Nguyễn Phú Trọng, Kăn xiâm pơkuâ hnê ngăn Đảng pơkuâ djâ troăng pêi cheăng dêi Tíu xiâm hiăng lăm pôu pêi cheăng ƀă kăn xiâm hnê ngăn kong pơlê Hòa Bình ‘na tơdroăng cheăng pêi ing apoăng hneăng hơnăm 2020- 2025 troh nôkố; pơkâ tơdroăng cheăng pêi troh hơnăm 2022.

Pôa Nguyễn Phú Trọng rơtế ƀă mâu kăn hiăng lăm pêi cheăng ƀă kŏng ti pêi cheăng tiô rơnó tí tăng ‘nâi plĕng kih thuât R Việt Nam - Khu mơdró FDI Nhuk ‘no liăn cheăng tê mơdró a kong pơlê Hoà Bình. Khu mơdró ai kơxô̆ liăn ‘no 11 rơtuh dollars Mih [ă vâ chê 700 ngế pêi cheăng, pê lo liăn rêm ngế 8 rơtuh liăn 1 ngế môi khế, nâp liăn ngân ăm tơnêi têa 10 rơtal liăn tung môi hơnăm.

Pôa Nguyễn Phú Trọng, Kăn xiâm pơkuâ hnê ngăn Đảng rơtế ƀă mâu kăn lăm pêi cheăng ƀă mâu kăn kong pơlê

Kŏng ti hmâ pro nhe\ng, cho nhe\ng ki le\m kơnâ hmâ tê ăm kong têa Nhuk, Malaysia, Hongkong (Sinuâ) ƀă Alơmăng. Pơtối mê, pơkuâ hâi pêi cheăng ƀă khu kăn xiâm kong pơlê, pôa Nguyễn Phú Trọng tối pơchân, tơdroăng cheăng ki kal má môi nôkố dêi kong pơlê cho hbrâ mơdât pơreăng COVID-19 ƀă ‘mâi mơnhông cheăng kâ, pôa Nguyễn Phú Trọng xuân pơkâ thế, Hòa Bình mơdêk ‘mâi hơ’lêh hyôh kong prâi ‘no liăn cheăng, mơdêk ivá pêi, tơ-brê, ivá tơ-briâtcheăng kâ ƀă mâu khu mơdró vâ mơhnhôk, xing xoăng, xúa tơ-brê tơdroăng ‘no liăn vâ mơnhông tơ-brê.

Gương tơplôu ƀă tơbleăng