VOV4.Xơ Đăng - Kơxo lơ8/2,a tíu pêi cheăng xiâm Đảng, pôa Nguyễn Phú Trọng, Kăn xiâm pơkuâ hnê ngăn Đảng pơkuâ hneăng hôp khu kăn Đảng tối tơdroăng pêi pro tiô pơkâ hnê mơhno dêi khu kăn Đảng ‘na tơdroăng tơkŭm rơkâu Tết Nhâm Dần hơnăm 2022 ƀă tơdroăng Pơkâ dêi Ngế pro xiâm hnê ngăn Chin phuh ‘na tơdroăng mơdêk pêi pro tơniăn tơdah Têt Lo hơnăm nếo Nhâm Dần hơnăm 2022 sôk ro, tơniăn lĕm, ‘nâi kơdĭng.

Pôa Nguyễn Phú Trọng, Kăn xiâm pơkuâ hnê ngăn Đảng pơkuâ hneăng hôp mơgêi tơdroăng pêi tiô pơkâ 11 dêi khu hnê cheăng Đảng

Mâu kăn Đảng, Tơnêi têa hiăng lăm pôu, rơkâu Tết a 63 to kong pơlê, pơlê kong kơdrâm, kong kân hbru tơmeăm ăm mâu ngế ai hnoăng tơnei têa ki kơtiê, mâu ngế pêi cheăng ki ôh tá vêh kâ Têt; lăm pôu rơkâu Têt mâu cheăm, pơlê tíu tơkăng kong, đông tơkăng kong, mâu ki plâ mơdât pơreăng COVID-19, mâu ngế pêi hnoăng cheăng kring gak tung pơla Têt.

Tối mơgêi a hneăng hôp, pôa Nguyễn Phú Trọng tối nhên, klêi pơtê Têt, mâu kơ koan, tíu pêi cheăng thế tơkŭm pêi mâu tơdroăng kal kí, rĕng vêh pêi cheăng tiah hmâ nếo, tơniăn tơdroăng cheăng pêi, kum tro kuăn pơlê; ôh tá ăm ai tơdroăng kâ Têt ton hâi, mơdoh tơdroăng cheăng, chiâng tơdjâk troh tơdroăng pêi cheăng, tê mơdró dêi kuăn pơlê ƀă khu mơdró.

Gương tơplôu ƀă tơbleăng