VOV4.Xơ Đăng - A tíu pêi cheăng xiâm Đảng, xua pôa Nguyễn Phú Trọng, Kăn xiâm pơkuâ hnê ngăn Đảng, Khu xiâm kal kí, Khu hnê mơhno tơrŭm cheăng trâm mâ apoăng rơnó Hơngui Nhâm Dần 2022, drêng troh leh tơbâ 92 hơnăm hâi mơjiâng Đảng (03/02/1930 – 03/02/2022) ƀă lối 250 ngế kăn cho mâu kăn xiâm Đảng, Tơnêi têa, Măt trâ̆n tơnêi têa Việt Nam, mâu Kăn xiâm Đảng mâu hneăng hdrối nah.

Tối ‘na hnoăng cheăng pêi tung la ngiâ, pôa Nguyễn Phú Trọng tối nhên, hơnăm 2022 cho hơnăm pa kĭng pêi tơdroăng Pơkâ Hneăng hôp mâu kăn tung lâp tơnêi têa rôh má 14 dêi Đảng ƀă Pơkâ mơnhông mơdêk cheăng kâ - rêh ối 5 hơnăm 2021-2025, malối tung pơla lâp plâi tơnêi ƀă tơdroăng tung kong têa pa kĭng tơ’lêi hlâu, rôh tơ’lêi, xuân ai hên ki xơpá, pơloăng mơnúa, kal thế tâi tâng Đảng, tâi tâng mâu lêng, tâi tâng kuăn pơlê thế mơ-eăm khât, tơrŭm, môi tuăn vâ pơtối ai troăng rơhlâ pơkâ tơtro, troăng rơhlâ pêi ki troh vâ mơnhông tơnêi têa xông tơtêk krá tơniăn.

Tung mê kal ai mâu tơdroăng hnê tối mơ-eăm pêi dêi mâu kăn ƀô̆ xiâm Đảng ƀă Tơnêi têa ing mâu rơxông xuân cho mâu ngế ki hiăng pro kăn nah a mâu kơ koan xiâm tơnêi têa ƀă a kong pơlê.

Gương tơplôu ƀă tơbleăng