Rơkâu pôa Nguyễn Quốc Đoàn châ Đảng, Tơnêi têa loi tơngah pơcháu tơdah tơdroăng cheăng nếo, pôa Phạm Minh Chính, Ngế pro xiâm hnê ngăn tơnêi têa pói vâ pôa Nguyễn Quốc Đoàn pôu râng hnoăng cheăng nếo mơ-eăm tâi ivá tơná, pêi kêi đeăng hnoăng cheăng châ pơcháu.

Xông tơpui tơdah hnoăng cheăng, pôa Nguyễn Quốc Đoàn, Phŏ Kăn séa ngăn Chin phuh ki nếo mơnhông khôi túa vâi krâ nah tơrŭm môi tuăn, môi tuăn sap apoăng troh tá tui lui, pêi cheăng tâi ivá hiâm mơno, tơkâ hluâ mâu pơloăng mơnúa, pá puât, veăng gum tâi ivá ăm tơdroăng cheăng tơdjuôm vâ tơdroăng séa ngăn păng ‘nâng cho chăng ki heăn mơnêa dêi Đảng ƀă Tơnêi têa, cho tíu hgiân dêi kuăn pơlê.