Tối tơbleăng a rôh pêi cheăng, pôa Nguyễn Trọng Nghiã tối phiu ro hlo hiăng hơ’lêh kơpong ki kro mơdrŏng tơdroăng cheăng Kăch măng, hlối tối nhên: Đảng - Tơnêi têa tơmâng khât ‘nâng, đi đo chôu pâ hnoăng veăng ‘no, tơplâ ta troh hlâ dêi mâu ngế ki tơplâ khên tơnôu , hlâ ai hnoăng ƀă rơpŏng hngêi mâu ki ai hnoăng; tơdroăng pêi pro “Mơnê mâu ngế ai hnoăng”, mơhno tơdroăng ki “Ai tơdroăng niân tiah hâi kố kơnôm ai hnoăng vâi krâ nah”  đi đo châ tơmâng, pêi đi đo.

Pôa xuân pâ thế kong pơlê pơtối rak vế pêi pro tơdroăng pâ dêi pơlê Xông Pơlâ xâ khên tơnôu, pêi tro tơdroăng cheăng mơnê mâu ai hnoăng, tơmâng tŏng kum tơdroăng rêh ối dêi mâu Jâ Nôu Việt Nam khên tơnôu, mâu rơpŏng ai hnoăng ki kơtiê, rơpŏng ai hnoăng Kăch măng, veăng mơnhông dêi pơlê pơla tơnêi têa.

Pôa Nguyễn Trọng Nghiã, Ngế pơkuâ hnê mơhnhôk cheăng kal kí ƀă mâu kăn hiăng pro hbru ăm 9 toăng hngêi tuăn pâ ăm mâu rơpŏng ai hnoăng tơnêi têa ki ối kơtiê xơpá ‘na hngêi ối a kong pơlê Bến Tre ƀă tâi tâng kơxô̆ liăn 720 rơtuh liăn.