VOV4.Xơ Đăng - Kơxo lơ 18/1, tung rôh lăm pêi cheăng a An Giang, pôa Nguyễn Xuân Phúc, Kăn xiâm hnê ngăn tơnêi têa chôu nháng tơbâ a Tíu tơbâ Kơpong chêh tơbâ pôa Tôn Đức Thắng, Kăn xiâm hnê ngăn tơnêi têa hneăng hdrối a Mỹ Hòa Hưng, pơlê kong kơdrâm Long Xuyên. Pôa Nguyễn Xuân Phúc ƀă Khu kăn nhoăm chôu nhang tơbâ, pleăng rơvíu reăng tơbâ troh kơ pôa Tôn Đức Thắng, môi tung mơngế lêng ki ahdrối dêi tơdroăng mơhnhôk kŏng nhân ƀă tơdroăng mơhnhôk kăch măng vô sản Việt Nam, ngế ki hiăng ai hnoăng pleăng tơná plâ rơxông ăm tơdroăng cheăng kăch măng hdroâng mơngế dêi kuăn pơlê ƀă kăch măng xah hô̆i chuh ngiah.

Pôa Tôn Đức Thắng Kot mâ hơnăm 1888 hlâ hơnăm 1980, cho Kăn xiâm hnê ngăn tơnêi têa ki má péa ƀă má mơ’nui dêi Việt Nam Dân chuh kŏng hòa ƀă kơ’nâi mê cho Kăn xiâm hnê ngăn tơnêi têa ki apoăng dêi Kŏng hòa xah hô̆i chuh ngiah Việt Nam. Pôa Hồ Chí Minh, Kăn xiâm hnê ngăn tơnêi têa ki apoăng hiăng ô eăng pôa “cho ngế ki ai hiâm tuăn dêi kăch măng, plâ rơxông pêi cheăng lĕm tơdrăng, pêi cheăng tâi hiâm mơno ivá tơná, vâ kum kăch măng, kum kuăn pơlê”.

Gương tơplôu ƀă tơbleăng