VOV4.Xơ Đăng - Kơxê lơ 23/3 a tíu pêi cheăng dêi kăn xiâm hnê ngăn tơnêi têa , pôa Nguyễn Xuân Phúc hiăng krếo phôn kơ pôa Yoon Suk-yeol, Ngế nếo châ rah xo pro Kăn xiâm pơkuâ kong têa Hàn Quốc. Teăng mâ Tơnêi têa ƀă kuăn pơlê Việt Nam, pôa Nguyễn Xuân Phúc, Kăn xiâm hnê ngăn tơnêi têa hiăng rơkâu pôa Yoon Suk-yeol châ rah xo pro kăn pơkuâ kong têa ki má 20 dêi Hàn Quốc, hlối pơtroh rơkong kơ-êng dêi pôa Nguyễn Phú Trọng, Kăn xiâm hnê ngăn Đảng ƀă mâu kăn xiâm Việt Nam troh kơ pôa Yoon Suk-yeol.

Pôa Nguyễn Xuân Phúc, kăn xiâm hnê ngăn tơnêi têa krếo phôn kơ Kăn xiâm pơkuâ kong têa Hàn Quốc ki nếo

Kăn xiâm pơkuâ kong têa ki nếo rah xo mê tối đi đo nhoăm tơdroăng tơrŭm ƀă Việt Nam ƀă púi vâ péa pâ mơdêk tơrŭm cheăng mơnhông tơ-ƀrê  tâ nếo tung la ngâ. Kăn xiâm péa tơnêi têa vâ môi tuăn tung la ngiâ  kô rơtế pơtối pêi pro mâu tơdroăng tơpui tơno khu râ kăn ƀă trâm mâu kăn xiâm, rêm râ ƀă hên tơdroăng tơ-tro tung pơla ai tơdroăng nếo nôkố; môi tuăn tơdroăng mơdêk tơrŭm cheăng kring vế tơniăn, cheăng lêng ƀă cheăng ƀă kơmăi kơmok dêi lêng, tơrŭm krá tơbleăng mâu pơkâ pêi pro drêng troh leh tơbâ 30 hơnăm  mơjiâng tơrŭm cheăng pơla Việt Nam - Hàn Quốc hneăng hơnăm 1992-2022.

Gương tơplôu ƀă tơbleăng