VOV4. XơĐăng - Kơxê lơ 22/3, a tíu pêi cheăng dêi Kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa, Ngế xiâm hnê mơhno mơjiâng tơdroăng tơkêa pro ‘’Tơdroăng mơjiâng ƀă pê klêi Tơnêi têa tro tiô luât xah hô̆i chuh ngiah  Việt Nam troh hơnăm 2030, troăng rơhlâ pro troh hơnăm 2045’’ hiăng trâm mâu ngế rơkê, khu cheăng khoa hok, mâu ngế tung Tôh rah chêh mơjiâng tơdroăng tơkêa bro ki kal mê. Rôh trâm mâ po klêi hneăng hôp tơniăn le\m dêi 3 hneăng hôp râ tơnêi têa a 3 kơpong Peăng Kơnhŏng– Tơdế tơnêi têa- Peăng Hdroh tơnêi têa  xua khu hnê mơhno tơkŭm po, tơkŭm hrĭng ƀai tham luâ̆n, tơdroăng veăng hnê tối dêi mâu ngế rơkê, mâu khu tí tăng hriăn plĕng, khu rak ngăn, khu cheăng khoa hok tro tiô luât ki má môi dêi tơnêi têa ‘na tơdroăng tơdjâk mơjiâng ƀă pê klêi Tơnêi têa tro tiô luât xah hô̆i chuh ngiah Việt Nam.

Tơbleăng a hneăng trâm mâ, teăng mâ Khu hnê mơhno, pôa Nguyễn Xuân Phúc hiăng khê̆n kơdeăn khât mâu tơdroăng klêi tí tăng ‘nâi plĕng mâu chuyên đề, ăm ‘nâi tơdroăng cheăng pêi troh pơla kố, hlối tối ki mơ-eăm, mơdêk rĕng tâ nếo, hlối rak tơniăn tơ-brê tơdroăng cheăng mơjiâng tơdroăng tơkêa bro.

Gương tơplôu ƀă tơbleăng