VOV4.Xơ Đăng - Kơxê lơ  23/1, pôa Nguyễn Xuân Phúc, Kăn xiâm hnê ngăn tơnêi têa hiăng lăm pôu, pêi cheăng ƀă Khu kăn Kuô̆k hô̆i Pơlê kong kân Hồ Chí Minh. Tơbleăng amê, pôa Nguyễn Xuân Phúc pơkâ thế Khu kăn Kuô̆k hô̆i pơlê kong kân tơtrâ ó mâu tơdroăng ki kuăn pơlê tối ối tô tuăn, ki pro xôi luât ó tung pơlê kong kân, malối mâu tơdroăng ki ‘mêi tung rêh ối, tôu pâm ‘nêk mơ’nêa vâi ‘nĕng hdrối kố nah.

Kăn xiâm hnê ngăn tơnêi têa xuân pơkâ thế khu kăn Kuô̆k hŏi pơlê kong kân tơmâng séa ngăn tơdroăng cheăng kâ - rêh ối, pê klêi ‘na luât, malối klêi mâu tơdroăng mô tiah kơtôa tê phĭu liăn, tơbleăng môi tiah tơ’noăng pro to kơnâ yă tơnêi pơla hdrối kố nah. Kăn xiâm hnê ngăn tơnêi têa pơkâ thế  khu kăn Kuô̆k hô̆i pơlê kong kân, séa ngăn tơdroăng cheăng kâ - rêh ối, pê klêi luât pơkâ, malối klêi kơ’nâi mâu tơdroăng kơtôa tê phĭu liăn, tơbleăng môi tiah tơ’noăng pro to kơnâ yă tơnêi pơla hdrối kố nah.

Pôa Nguyễn Xuân Phúc, Kăn xiâm hnê ngăn tơnêi têa pêi cheăng ƀă khu kăn Kuô̆k hô̆i Pơlê kong kân Hồ Chí Minh

Kăn xiâm hnê ngăn tơnêi têa xuân pâ thế Khu kăn Kuô̆k hô̆i Pơlê kong kân Hồ Chí Minh séa ngăn nhên troăng rơhlâ, luât pơkâ dêi Đảng, luât tơnêi têa, tối hnoăng cheăng pêi a ngiâ Đảng, a ngiâ kuăn pơlê; ôh tá la lai pơtê mơ-eăm rak vế troăng rơhlâ khên tonôu kal kí; mơdêk pê klêi luât pơkâ vâ pôi tá xo vâi xúa pro pro pơxúa krê ăm tơná, pôi ôh tá hlê tá tro, pro pơxúa tơ-brê tung pêi pro.

Gương tơplôu ƀă tơbleăng