VOV4. XơĐăng - Drêng pin ôh tá xê to pro pơ’lêh ‘na hlê plĕng tuăn tơmiât mê ối teăm pơ’lêh pro chiâng tơdroăng vâ rơtế tơchoâm ivá kring vế tơdroăng rêh ối dêi tơná pin. Kố cho tơdroăng ki pôa Nguyễn Xuân Phúc, Kăn xiâm hnê ngăn tơnêi têa pơtroh thế  po leh mơhnhôk tơnêi têa veăng pêi pro Hâi Têa lâp plâi tơnêi, Hâi hyôh kong prâi lâp plâi tơnêi, ƀă Tơdroăng pêi pro tiô pơkâ Chôu plâi tơnêi hơnăm 2022 châ Khu xiâm ngăn tơmeăm khoăng ƀă Hyôh kong prâi tơkŭm po a kơxo lơ 23/3, a Hà Nội.

Ki xiâm dêi Hâi Têa, Hâi hyôh kong prâi lâp plâi tơnêi ƀă Hâi pêi pro tiô chôu plâi tơnêi hơnăm kố rơtế tơrŭm krá ƀă dêi rơpó vâ kơbông krếo veăng tơmâng dêi kuăn pơlê vâ mơdêk troăng rơhlâ mơjiâng mâu pơkâ, tơdroăng pêi pro, pêi teăm tơdrêng. A leh mơhnhôk, Khu xiâm ngăn tơmeăm khoăng ƀă Hyôh kong prâi hiăng po tơ’noăng ‘’Hyôh kong prâi tung o’’ ăm mâu vâi o hok tro râ má péa ƀă râ má pái tung lâp tơnêi têa.

Gương tơplôu ƀă tơbleăng