VOV4.Xơ Đăng - Kơxê lơ 9/3, a tíu pêi cheăng dêi Kăn xiâm tơnêi têa, pôa Nguyễn Xuân Phúc, Kăn xiâm hnê ngăn tơnêi têa hiăng tơdah mâu kăn teăng mâ  dêi mâu kong têa: Sierra Leone, Nepal, Guatemala, Maldives, Dominicana pơtroh kơthô. Kăn teăng mâ kŏng têa Sierra Leone,Kăn xiâm hnê ngăn tơnêi têa tối, Việt Nam đi đo nhoăm ƀă púi vâ mơdêk tơrŭm cheăng ƀă Sierra Leone tung tŭm tơdroăng cheăng: Kal kí, tơpui kâ, pêi chiâk, khoa hok kŏng ngê̆, tê mơdró.

Tơdrêng amê cho mơdêk tơrŭm pơla péa tơnêi têa ƀă mâu tơdroăng hên troăng, kơpong ƀă tung lâp plâi tơnêi, malối cho hbrâ ƀă pro tơniăn ăm mâu rôh tơpui tơno tơrá mâu kăn xiâm pơla péa pâ. Pơtối mê, Kăn teăng mâ kong têa Nepal, pôa Nguyễn Xuân Phúc tối nhên, Việt Nam đi đo nhoăm tơdroăng tơrŭm cheăng ƀă Nepal.

Kăn xiâm hnê ngăn tơnêi têa loi khât kơ Kăn teăng mâ kô pơtối pêi tâi hnoăng cheăng tơná tung tơrŭm pơla péa pâ. Pơtối mê kăn teăng mâ kong têa Guatemala,Kăn xiâm hnê ngăn tơnêi têa tối, mâu khu xiâm, kơvâ cheăng, kơ koan dêi Việt Nam kô pro tơ’lêi hlâu vâ Kăn teăng mâ pê klêi hnoăng cheăng ƀă tơdroăng pơkâ mơdêk tŭm tơdroăng tơrŭm cheăng kâ pơla Việt Nam ƀă Guatemala. 

Gương tơplôu ƀă tơbleăng