VOV4.Xơ Đăng -  Drêng troh leh tơbâ 67 hơnăn hâi Thái pơkeăng Việt Nam, kơxo lơ 27/2, pôa Nguyễn Xuân Phúc, Kăn xiâm hnê ngăn tơnêi têa trâm mâ Khu kăn ƀô̆ ngăn pơkeăng ki rơkê tung lâp tơnêi têa. Teăng mâ Kăn xiâm Đảng, Tơnêi têa pơtroh ăm 159 ngế thái pơkeăng ki rơkê ai hnoăng kăn tung tơdroăng kring vế ƀă rak ngăn ivá kuăn pơlê, pakĭng mê pơtroh rơkong kơ êng ƀă rơkâu ki lê̆m má môi ăm tâi tâng mâu kăn ƀô̆, kŏng chức, viên chức, mơngế pêi cheăng tung kơvâ ngăn pơkeăng.

Kăn xiâm hnê ngăn tơnêi têa lăm pôu ngăn mâu thaí pơkeăng

Kăn xiâm hnê ngăn tơnêi têa khê̆n kơdeăn kơvâ cheăng khăm pơlât tung 67 hơnăm hdrối hiăng ai hên hnoăng   pêi cheăng tơ-ƀrê, mê cho môi tung iâ mâu kong kong têa ai khu cheăng khăm pơlât  pêi cheăng troh a thôn pơlê, tơniăn ‘na tơdroăng ai tŭm pơkeăng tơmeăm khăm pơlât ăm kuăn pơlê. Kăn xiâm hnê ngăn tơnêi têa tối pơchân khu ƀok thái pơkeăng thế pôi tá la lâi pơtê hriâm vâ rơkê, hriâm tơdroăng cheăng pêi vâ hlê tơ’nôm mâu tơdroăng pơkâ khăm pơlât ăm kuăn pơlê.

Gương tơplôu ƀă tơbleăng