VOV4.Xơ Đăng - Drêng apoăng hơnăm nếo, kơxo lơ 7/2, tơkéa vâ tối cho hâi má 7 Khế môi hơnăm Nhân Dần, pôa Nguyễn Xuân Phúc, kăn xiâm hnê ngăn tơnêi têa veăng ƀă pêi pro tơdroăng cho leh lo lăm pêi klâng a cheăm Tiên Sơn, pơlê kong krâm Duy Tiên, Hà Nam. A leh lăm pêi klâng Đọi Sơn 2022, Kăn xiâm hnê ngăn tơnêi têa tối nhên, tung tơdroăng ki ai pơreăng, malối cho pơreăng COVID-19 tung hơnăm 2021, pêi chiâk deăng, thôn pơlê dêi tơnêi têa pin môi hdroh nếo rak tơniăn tung gak kring kế kâ, pro ivá mơdêk tơniăn tơdroăng rêh ối ăm kuăn pơlê Việt Nam.

Pôa Nguyễn Xuân Phúc, kăn xiâm hnê ngăn tơnêi têa pêi pro tơdroăng tĭng chôu nhăng Xeăng Chiâk deăng prếi pơtáu Lê Đại Hành a Leh mơdĭng pêi klâng

Pơtối mê, pôa Nguyễn Xuân Phúc, kăn xiâm hnê ngăn tơnêi têa, kăn pơkuâ Đảng, Tơnêi têa, kong pơlê Hà Nam tơkŭm po leh chôu nhăng Xeăng Chiâk deăng prếi pơtáu Lê Đại Hành. Hơnăm Nhâm Dần 2022 xuân cho rôh tơbâ  1035 hơnăm (987 – 2022) pơtáu Lê Đại Hành vêh pơchoh klâng chiâk, pro chiâng ai tơdroăng leh nôkố.

Katarina Nga tơplôu ƀă tơbleăng