VOV4.Xơ Đăng - Hâi lơ 10/10, a tíu pêi cheăng kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa trâm mâ mâu kăn khu mơdró Tơnêi têa kơhnâ rơkê tung pêi cheăng tê mơdró ƀă mơjiâng Đảng. Tơbleăng a hâi trâm mâ, pôa Nguyễn Xuân Phúc tối nhên, Khu mơdró Tơnêi têa ôh tá la lâi pơtê tơleăng mơnhên mâu tơdroăng pơloăng mơnúa, mơnhông cheăng kâ -rêh ối mê ối cho ‘’hlá cơ’’ kring vế tuăn tơmiât ki tro ƀă troăng rơhlâ chuh ngiah xah hô̆i.

Pôa Nguyễn Xuân Phúc, Kăn xiâm hnê ngăn tơnêi têa pơkâ thế Đảng ủy khô̆i khu mơdró Tíu xiâm tung la ngiâ kal pơtối tơmâng hnê mơhno pêi pro tro  mâu pơkâ tung la ngiâ, kal pơtối hnê pêi tro mâu pơkâ dêi Đảng; mơdêk tơdroăng cheăng mơjiâng Đảng; ‘mâi mơnhông tơrŭm cheăng Đảng tơniăn tơdâng tơ’mô ƀă pơkâ thế pêi tơdroăng cheăng dêi Khu mơdró tiô troăng rơhlâ tơtro.

Pôa Nguyễn Xuân Phúc, Kăn xiâm hnê ngăn tơnêi têa xup um ƀă mâu kăn khu  cheăng mơdró  dêi Tơnêi têa

‘Na mâu tơdroăng cheăng pêi tung la ngiâ, pôa Nguyẽn Xuân Phúc pơkâ thế, khu kăn pơkuâ, khu cheăng rak ngăn thế châ ‘mâi mơnhông tâi tâng mơdêk tơƀrê, xúa pêi mâu tơdroăng tro tiô túa, hnê tơ’nôm, hnê ăm mâu ngế vâ  mơdêk tơƀrê mâu pơkâ, mơdêk tơdroăng ki pơkuâ dêi ƀă mơ’no tah mâu ki pro ôh tá tro vâ mơdêk tơbriât cheăng dêi grup, Khu xiâm dêi kŏng ti.

VOV Tây Nguyên/Tơplôu: Gương