Tối tơdroăng ki hâk vâ hdrối mâu tơdroăng châ tơƀrê mơnhông dêi Đan Mạch – môi tung mâu kong têa hơniâp lĕm ƀă ai kơlo rêh kơnâ má môi tung lâp plâi tơnêi, ƀă tơdroăng khôi túa lĕm pêng păm tơdroăng ki tro lĕm, kuăn pơlê Đan Mạch hâk vâ tơmối ƀă hâk vâ kong kế. Tơdrêng amê tối ăm ‘nâi, mot tung rơxông nếo, rơxông mơ-eăm xêh dêi hdroâng mơngế, Việt Nam dế pêi pro troăng pơkâ pêi, tơdroăng cheăng kal kí, khu pơkuâ tơnêi têa mâu râ; tơdrêng amê, mơdêk mâu tơdroăng tơtêk nếo; mơnhông ó rơdêi ivá hdroâng mơngế, hiâm mơno ki pơkuâ xêh, loi tơngah, mơ-eăm xêh, hâk tơngăm hdroâng mơngế, hâk vâ mơnhông tơnêi têa.

Kăn pơkuâ Vi ƀan Troăng hơlâ tơpui kâ ƀă kong têa ê Kuô̆k hô̆i Đan Mạch mơnhên, Kuô̆k hô̆i Đan Mạch đi đo ngăn tơrŭm cheăng ƀă Việt Nam ƀă kô pơtối ai mâu tơdroăng veăng kum vâ djâ tơrŭm cheăng lĕm tro pơla péa tơnêi têa to a râ a hngêi nếo, rế hía rế kal khât, châ tơƀrê tâ.