VOV4.Xơ Đăng - Pôa Phạm Bình Minh, Ngế pro xiâm phŏ hnê ngăn Chin phuh môi tuăn ƀă Khu xiâm ngăn troăng prôk tơkŭm ăm mâu roh tơ-ƀai kơneăng chơ mơngế Việt Nam a Ukraine ƀă mâu ngế tung rơpŏng hngêi vêh a tơnêi têa a mâu lơ 7 ƀă 9 khế 3 hơnăm 2022. Pôa Phạm Bình Minh pơkâ thế mâu Khu xiâm ngăn troăng prôk thâ rĕng pro mâu hlá mơ-éa ki kal vâ tơkŭm chơ kuăn pơlê vêh a tơnêi têa rĕng teăm tơdrêng.

Mê cho hâi lơ 7/3/2022: Rôh tơ-ƀai kơxô̆ VN88 dêi Khu tơ-ƀai (Vietnam Airlines) tiô tối hdrối kô chơ 283 ngế kuăn pơlê lo ing Bucharest (Romania) hdrâp a tơraih tơ-ƀai Nội Bài a kơhâi dế lơ 8/3/2022. Hâi lơ 9/3/2022 tơ-ƀai kơxô̆ QH9066 dêi khu tơ-ƀai Bamboo Airways kô chơ 270 ngế kuăn pơlê lo ing Warsaw (Ba Lan), hdrâp a tơraih tơ-ƀai Nội Bài kơxo lơ 10/3/2022.

Gương tơplôu ƀă tơbleăng