VOV4.Xơ Đăng - Kơxo lơ 1/4,  Khu xiâm tơpui kâ ƀă Khu tơrŭm cheăng lâp plâi tơnêi ‘na tơpui nâl Pơhlăng (OIF) tơrŭm ƀă tơkŭm hneăng hôp cheăng kâ to mâu kăn xiâm tơpui nâl Pơhlăng. Pôa Phạm Bình Minh, Ngế pro xiâm phŏ hnê ngăn tơnêi têa ƀă jâ Louise Mushikiwabo, Ngế chêh tôm xo rơkong Khu lâp plâi tơnêi tơpui nâl Pơhlăng  pơkuâ hneăng hôp. Tơpui a hneăng hôp cheăng kâ mâu kăn xiâm pơla Việt Nam - ƀă Khu tơpui nâl Pơhlăng, pôa Phạm Bình Minh tối: Việt Nam hiăng ƀă dế pơ’lêh rơdêi troh troăng rơhlâ mơnhông cheăng kâ ngiât lê̆m,  cheăng kâ  pơ’lêh tơ-tro.

Chin phuh tơbleăng hên tơdroăng pơkâ kân, tung mê ai tơdroăng cheăng pêi dêi tơnêi têa ‘na mơdêk pêi cheăng krúa lê̆m pơla hơnăm 2021-2030, ƀă mâu tơdroăng cheăng pêi troh hơnăm 2050, ƀă pơkâ mơdêk ‘mâi mơnhông cheăng kâ rơtế ƀă hơ’lêh nếo túa cheăng mơnhông mơdêk cheăng kâ, pêi krá tơniăn ƀă pro lê̆m hyôh kong prâi ƀă tơdâng tơ-‘mô ‘na rêh ối pơlê pơla, tơdroăng cheăng kâ ngiêt lê̆m, pro tơdrâng tơ’mô carbon ƀă veăng ‘no hnoăng a tơdroăng pơkâ mơdêk ki rế tô tung lâp plâi tơnêi.

Gương tơplôu [ă tơbleăng