A rôh leh, Ngế xiâm ngăn tơdroăng cheăng Phạm Thị Thanh Trà hiăng tơbleăng, pôa Phạm Minh Chính, Ngế pro xiâm hnê ngăn tơnêi têa hiăng diâp mâu pơkâ thế lăm pêi cheăng ƀă pôk pôa Trần Đức Thắng, Kăn pơkuâ hnê ngăn Đảng kong pơlê Hải Dương, pro kăn Phŏ pơkuâ Séa ngăn dêi Chin phuh; pôa Hồ Văn Niên, kăn hnê ngăn Đảng kong pơlê Gia Lai, pro kăn phŏ hnê ngăn Khu kuăn ngo ƀă Tiô khôp.

Tơbleăng xo pêi hnoăng cheăng, mâu kăn Trần Đức Thắng, Hồ Văn Niên tối mơnê khât kơ Khu xiâm kal kí, Khu kăn hnê ngăn, mâu kăn pơkuâ hnê ngăn Đảng, Tơnêi têa hiăng loi, pơcháu tơdroăng cheăng; tối nhên tơdroăng châ mơhnhôk, pôk pro kăn pêi hnoăng cheăng ki nếo cho môi tơdroăng hâk mơnê khât, hlối cho hnoăng cheăng hngăm hngo ƀă mâu ngế tung tơdroăng xing xoăng pro rế lĕm, troh tơdroăng mơhno tối kô pơtối mơ-eăm ƀă púi vâ xo mâu tơdroăng tơmâng khât, hnê mơhno dêi mâu kăn, tơrŭm ƀă tơdroăng cheăng dêi mâu kơ koan vâ pê klêi hnoăng cheăng pơcháu.