VOV4.Xơ Đăng - Tung kơxê lơ 6/3, pôa Phạm Minh Chính, Ngế pro xiâm hnê ngăn tơnêi têa rơtế ƀă kăn teăng mâ kăn xiâm mâu khu xiâm, kơvâ cheăng ƀă kăn hnê mơhno cheăng kong pơlê Kiên Giang apoăng hơnăm 2022 ƀă troăng rơhlâ pêi cheăng tung la ngiâ. A rôh pêi cheăng, pôa Đỗ Thanh Bình, kăn hnê ngăn ngăn Đảng kong pơlê Kiên Giang ăm ‘nâi, hơnăm 2021, Kiên Giang xuân môi tiah hên mâu kong pơlê chiu tơdjâk ó xua pơreăng COVID-19, la tŭm 3 kơpong cheăng kâ xuân châ tâk (mơhé iâ) tung pơla trâm hên xơpá. Cheăng kâ tâk, GRDP tâk 0,58%, Xo liăn ngân ăm tơnêi têa châ lối 11 rơpâu rơtal liăn.

Tối mơgêi, Ngế pro xiâm hnê ngăn Chin phuh khĕn kơdeăn khât mâu tơdroăng ki kong pơlê Kiên Giang hiăng châ pêi pro tung hơnăm hdrối  malối tung hbrâ mơdât pơreăng, pakĭng mê, Ngế pro xiâm hnê ngăn tơnêi têa xuân tối tơdroăng ki u ối, kơdroh, ki xơpá ƀă troăng hơlâ mơnhông mơdêk.

Ngế pro xiâm hnê ngăn tơnêi têa pơkâ thế kong pơlê xúa pêi tơ-ƀrê tung tơmeăm ki ai hlâu, ki tơ’lêi pêi pro, rôh ki vâ mơnhông mơdêk, pêi kơtăng, pro pơloăng mơnúa chiâng rôh ki tơ’lêi mơnhông tơ-ƀrê, tŭm tơdroăng xơpá mơ-eăm tơkâ luâ. Mơnhông rơdêi cheăng kâ a têa kơxĭ, mơdêk pêi chiâk, tơkŭm mơnhông mâu kơvâ cheăng ƀă kơmăi kơmok ki pơxúa tơ-ƀrê, tơ’lêi pơla pêi cheăng ƀă hyôh kong prâi tơniăng hlâu mơnhông cheăng kâ rêh ối.

Gương tơplôu ƀă tơbleăng