VOV4.Xơ Đăng - Kơxê lơ 27/3, pôa Phạm Minh Chính, Ngế pro xiâm hnê ngăn Chin phuh ai roh pêi cheăng ƀă khu râ kăn pơkuâ kong pơlê Quảng Nam. Klêi kơ’nâi tơmâng rơkong xông tơpui, tơpui tơno, Mơgêi roh pêi cheăng, pôa Phạm Minh Chính kheăn kơdeăn mâu pơkâ ki kong pơlê pơkâ mơ’no, hiăng mơhno tơdroăng khŏm mơ-eăm, pôu râng hnoăng cheăng ‘na tơdroăng mơnhông mơdêk dêi kong pơlê, mơdêk tơdroăng rêh ối kuăn pơlê.

Tâi tâng a roh pêi cheăng

‘Na troăng tơmiât pêi, troăng tơdjâ hnê mơhno Ngế pro xiâm hnê ngăn tơnêi têa tối rơdêi: Kal hlê plĕng, pêi pro châ tơƀrê Pơkâ Hneăng hôp XIII dêi Đảng ƀă Pơkâ Hneăng hôp Đảng ƀô̆ kong pơlê; xúa, pêi pro tro troăng hơlâ dêi Đảng, troăng hơlâ luât dêi Tơnêi têa, tơdroăng hnê mơhno pơkuâ dêi Chin phuh, Ngế pro xiâm hnê ngăn Chin phuh. Séa ngăn tơdroăng nôkố, ing tơdroăng ki ai khât nôkố, nhuô̆m tơdroăng nôkố, xo tơdroăng ki ai khât nôkố pro loăng rek; môi tuăn pơkâ đi đo laga thế ƀeăn ƀĕng rơkê, tơniăn châ tơƀrê. Pêi pro ai xiâm kối, pêi troh a lâi kêi đeăng troh amê, tơdroăng ki lâi klêi tơdroăng ki mê.

A Sa Ly tơplôu ƀă tơbleăng