VOV4.Xơ Đăng - Kơxê lơ 20/3, pơtối lăm pôu pêi cheăng a kong pơlê Bình Phước, pôa Phạm Minh Chính, Ngế pro xiâm hnê ngăn Chin phuh ƀă khu kăn dêi Chin phuh hiăng pêi cheăng ƀă Khu kăn Đảng kong pơlê Bình Phước ‘na tơdroăng mơnhông cheăng kâ rêh ối 2021, ƀă 2 khế apoăng hơnăm; troăng vâ pêi mơnhong cheăng kâ rêh ối hơnăm 2022 ƀă mâu hơnăm pơtối.

Ngế pro xiâm hnê ngăn tơnêi têa pêi cheăng ƀă kong pơlê Bình Phước

Tơbleăng mơgêi hâi pêi cheăng, tung la ngiâ, pôa Phạm Minh Chính, Ngế pro xiâm hnê ngăn tơnêi têa pơkâ thế kăn xiâm Vi ƀan kong pơlê Bình Phước pơtối mơ-eăm mơnhông ing kơpeăng kŏng tơná, tăng troăng mơdêk xo kơdroh liăn, kơdĭng liăn ƀă ki kal, ví ‘no mơjiâng pro tơmeăm khoăng ukố iâ, utâi iâ, pêi lo tơmeăm, mơdât kâ kơluâ mơ’nhiê liăn hmâng vâ. ‘Na tơdroăng cheăng pêi nhên, Ngế pro xiâm hnê ngăn tơnêi têa pơkâ thế  pêi tơ-brê troăng rơhlâ ‘’Hmâ tơniăn, ƀeăn rơkê, kâi mơdât tơ-brê pơreăng COVID – 19’’, pêi tro tơdroăng ‘mâi mơnhông cheăng kâ rêh ối.

Pơtối hnê pơ’lêh tơdroăng pơkâ hneăng hôp má 13 dêi Đảng; tơbleăng pêi tơ-brê pơkâ dêi tơdroăng pơkâ hneăng hôp Đảng bộ kong pơlê rôh má 11 ƀă ki kal cho 3 rôh pro tơ-ƀrê ‘na tơmeăm khoăng, ‘mâi hơ’lêh túa pro hlá mơ-éa ƀă mơnhông ‘na mơngế cheăng rơkê.

Gương tơplôu ƀă tơbleăng