A rôh trâm mâ, pôa Phạm Minh Chính, Ngế pro xiâm hnê ngăn tơnêi têa tối nhên hneăng lăm pôu cho kal păng ‘nâng ai pơxúa tung pơla péa tơnêi têa dế mơdêk tơrŭm cheăng kâ tung tŭm tơdroăng ƀă Malaysia nôkố dế pro Kăn xiâm hnê ngăn ASEAN.

‘Na troăng hơlâ tơrŭm cheăng tung la ngiâ, péa pâ vâ môi tuăn mơdêk tơpui tơno ƀă khu kăn hlối trâm mâ mâu kăn ƀă rêm râ a mâu ƀâng; tơkŭm po hôp roh má 8 dêi Vi ƀan tơrŭm cheăng ‘na tơrŭm cheăng kâ, Khoa hok, kih thuât Việt Nam - Malaysia tung hơnăm 2025; rĕng tơbleăng tơdroăng tơrŭm tung tŭm tơdroăng pơla hơnăm 2025-2028; troh kĭ tung hlá mơ-éa chôu vế ‘na tơrŭm cheăng tung kơvâ cheăng Halal; po rơdâ tơrŭm tung mâu tơdroăng cheăng kâ kơxô̆, cheăng kâ ngiât, pơ’lêh on tơhrik tơdâng tơ ‘mô, khoa hok kŏng ngê̆, pơ’lêh nếo hriăn plĕng ki nếo, pêi chiâk deăng rơkê plĕng, chin phuh điê̆n tưh, tơniăn tung măng.