A rôh hôp, mâu tơdroăng hnê tối tơkŭm a tơdroăng tơkêa Luât tơleăng phâk ki (‘mâi hơ’lêh), ‘na pơkâ ‘na pơxâu phâk kơdê, pro tiô luât pơkâ phâk hlối kơdê; kơlo pơxâu phâk liăn ƀă mâu tơdroăng xôa xua pro xôi luât; mâu tơdroăng tơdjâk troh xôi ‘na xúa kăi kơnok ki dâi lĕm, ôh tá tơdrăng tung mơdró; pơxâu phâk lơ ôh ƀă tơdroăng xôi ki gá pro drêng tơbleăng túa pêi cheăng kâ tê mơdró ƀă tơdroăng mơnúa xua khoa hok kơmăi kơmok...

Pôa Phạm Minh Chính, Ngế pro xiâm hnê ngăn tơnêi têa tối nhên, rôh ‘mâi rơnêi drêng kố  tơkŭm a mâu tơdroăng, malối cho mơdêk xúa ki pơ’lêh ing pâk kơdê pơ’lêh chiâng phâk ta troh hlâ. Tơbleăng mơgêi rôh hôp, Phạm Minh Chính, Ngế pro xiâm hnê ngăn tơnêi têa tối nhên, mơjiâng luât rế pơ’lêh tuăn tơmiêt, troăng hơlâ tơpui, kơdroh pro hlá mơ-éa. Ngế pro xiâm hnê ngăn tơnêi têa xuân pơkâ thế xoăng râ, xoăng hnoăng ki hên ƀă luât pơkâ tăng ngăn, tăng ‘nâi plĕng, tơdrêng ƀă tơdroăng  xing xoăng xiâm mơngế cheăng ƀă mơdêk ivá pêi; tơniăn nhên, plĕng hnoăng pơkuâ hâi khế, nhên tơdroăng  pêi pro drêng luât xêt khât châ tơkŭm pêi tro, tơniăn tơƀrê.