Tiô tơbleăng dêi Khu xiâm ngăn hyôh rơ’jiu internet tung hơnăm 2024, pơ’lêh kơxô̆ tơnêi têa, malối tơbleăng tơdroăng tơkêa bro 06 pơtối pêi hên tơdroăng cheăng ki kân, ki kal, tơƀrê cho: tơdroăng hnê mơhno, pơkuâ pêi rơkê tâ, tŭm tâ; tơdroăng tơkŭm pêi châ tơbleăng pêi kơtăng, tơdâng ƀă pơkâ ki kal ing Tíu xiâm troh cheăm bêng.

Tối nhên tơdroăng cheăng pêi tung la ngiâ cho hngăm hngo, Ngế pro xiâm hnê  ngăn tơnêi têa pơkâ thế “Mơdêk pêi tơƀrê”. Ngế pro xiâm hnê ngăn tơnêi têa hiăng pơcháu cheăng nhên ăm mâu khu xiâm kơvâ cheăng kong pơlê tung mê tối nhên pơkâ, mâu khu xiâm, kơvâ cheăng, kong pơlê thâ mơjiâng pơkâ pêi Tơdroăng cheăng dêi Chin phuh pêi pro tiô pơkâ 57-NQ/TW; hlối mơjiâng khu ki vâ tối, tiô rơnó xua tơdroăng cheăng, tơbleăng tơdroăng hiăng klêi pêi; tối kơlo pê klêi lơ ôh ngăn tiô kơ tơdroăng cheăng pêi.

Pơkâ pêi thế tro khât, mơ-eăm tâi hơnăm 2025 châ 80% tơdroăng pêi pro tiô troăng hyôh, 40% pơ’leăng mâ mơngế ki hiăng kân xúa tơdroăng pro hlá mơ éa tiô troăng hyôh măng, 100% hồ sơ pro hlá mơ-éa châ krâ định danh tơná ngế ki mê.