Rơkâu kuăn pơlê nếo klêi tơdah Tết Ất Tỵ 2025 hơniâp ro, pâ dêi rơpó, xah hêi ro, tơniăn “Tung rơpŏng hngêi tơtô hơniâp ro, pa gong tá ai tơdroăng klâi”, rêm hngêi ai Têt, lâp tơnêi têa ai Têt, Ngế pro xiâm hnê ngăn Chin phuh khĕn kơdeăn, tơdroăng tơkŭm hbrâ, tơdah Têt tơniăn sôk ro, tơtô, ‘nâi kơdĭng, pâ dêi rơpó, kuăn pơlê hmiân tuăn, tơniăn lĕm,  rêm hngêi rơxá ai Têt mâu tơdroăng pơkâ mâu tơdroăng vâ pêi tiô hnê mơhno dêi Khu kăn hnê ngăn Đảng ƀă Chin phuh, Ngế pro xiâm hnê ngăn Chin phuh; pro phiu ro, pro xiâm vâ mơ-eăm dêi rêm hdroâng mơngế mot tung hơnăm 2025.

Ngế pro xiâm hnê ngăn Chin phuh ăm ‘nâi, la ngiâ kố ah, Đảng ƀô̆ Chin phuh kô tơkŭm po hôp apoăng; pơkâ thế mâu khu xiâm, kơvâ cheăng, kong pơlê pêi kơtăng 13 khu tơdroăng cheăng ki xiâm ƀă 67 tơdroăng cheăng ki nhên ăm mâu khu xiâm, kơ koan, kong pơlê tơkŭm tơbleăng pêi tơdrêng klêi Têt; pơtối mơdêk ‘no liăn cheăng, malối mâu tơdroăng tơkêa bro, tơmeăm khoăng ki kal dêi tơnêi têa, mâu tơdroăng pơkâ dêi tơnêi têa; pêi kơtăng, tơƀrê tơdroăng pro lĕm, rah xo iâ tê mơngế pêi cheăng ton hơnăm ăm tơnêi têa; tơmâng pêi mâu tơdroăng vâ rak tơniăn ăm mơngế pêi cheăng; pêi tro luât pơkâ tung rêh ối pơlê pơla, mơhnhôk pêi rơdêi mâu tơdroăng pê lo tơmeăm tê mơdró, gum kuăn pơlê ai cheăng pêi, tăng cheăng pêi ăm kuăn pơlê, mơ-eăm pêi châ tiô pơkâ tâk tung hơnăm 2025 sap 8% tơngi klêng.